काठमाडौं, २५ चैत्र । आगामी बैशाख ३० गते हुने स्थानीय तहको निर्वाचनको लागि आयोगले आज मध्यरातिदेखि निर्वाचन आचारसंहिता लागु गर्ने भएको छ ।
त्यसको लागि आयोगले आज साँझ ५ बजे पत्रकार सम्मेलन गरेर आचारसंहिता लागु भएको जानकारी दिने भएको छ ।
स्थानीय तह निर्वाचनका लागि आयोगले तयार पारेको आचारसंहिता यसअघि नै राजपत्रमा प्रकाशित भैसकेको छ ।
यसअघि आयोगले आचारसंहिता पालनाको लागि दलहरुलाई आयोगमा बोलाएर प्रतिबद्धता खोजेको थियो ।
दलहरु अहिले निर्वाचनको तयारीमा जुटिसकेका छन् । सत्ता गठबन्धनको बैठक पनि बसेको छ ।
