काठमाडौं, २५ चैत्र । नेकपा (माओवादी केन्द्र) का प्रभावशाली नेता रामनारायण बिडारीले एमाले अध्यक्ष केपी शर्मा ओलीले एक्लै चुनाव लड्न कहिल्यै आँट नगर्ने टिप्पणी गरेका छन् । नेता बिडारीले सामाजिक सञ्जाल फेशुबकमार्फत यस्तो बताएका हुन् ।
उनले आफूले ओलीले एक्लै चुनाव लड्ने आँट कहिल्यै गर्न नसक्ने भनेर तीन महिना अघि भनेको पनि स्मरण गराएका छन् । पछिल्लो समय स्थानीय तहको निर्वाचनको लागि एमालेले राप्रपा, राप्रपा नेपाल, लोसपा, विप्लव नेतृत्वको नेकपा र सिके राउतको जनमत पार्टीसँग तालमेल गर्न लागेको भन्ने चर्चाबीच बिडारीले यस्तो टिप्पणी गरेका हुन् ।
उनले फेशबुकमा लेखेका छन्–‘ओलीजी एक्लै चुनाव लड्ने आट कहिल्यै गर्दैनन भनेर ३ महिना अगाडी नै वहाको गठवन्धनको खुलासा मैले गरेको थिएँ।’ file photo
