एजेन्सी, २ बैशाख । पाकिस्तानका ५१ वर्षीय सांसद डाक्टर अमिर लियाकत हुसैनले आफूभन्दा ३३ वर्ष कान्छी सैयदा दानियासँग फेब्रुअरी १०, २०२२ मा तेस्रो विवाह गरेका थिए। विवाहको दुई महिनामै उनीहरुको सम्बन्ध विच्छेदको खबर आउन थाल्यो ।
यसपछि, पाकिस्तानी मनोरन्जनकर्ता अमिर हुसैनले आफ्नी १८ वर्षीया श्रीमती सैयदासँगको फोटो शेयर गरेर अफवाहको जवाफ दिए।
सामाजिक सञ्जालमा श्रीमतीसँगको तस्बिर पोस्ट गर्दै लेखे, ‘मेरो घरमा नपस्नु’
आमिर र सैयदाको सम्बन्धविच्छेदको खबर आएपछि आमिर लियाकतले आफ्नी श्रीमतीसँगको तस्बिर इन्स्टाग्राममा पोस्ट गर्दै लेखेका छन् कि यो तहरीक–ए–इन्साफ (पीटीआई) राजनीतिक दलको काम हो। उनले उनीहरुको डिभोर्सको अफवाह फैलाइरहेका छन् । आमिरले लेखेका छन्, ‘मेरो र सैयदाको बिछोडको हल्ला फैलिरहेको छ तर यस्तो केही हुनेवाला छैन । हामी एकअर्कालाई धेरै माया गर्छौं। म पीटीआईका भाडाका गुण्डाहरूलाई मेरो घरमा नपस्न चेतावनी दिन्छु, नत्र केही पनि बाँकी रहने छैन।’
वास्तवमा, अमिल लियाकतले हालै पाकिस्तानमा राजनीतिक उथलपुथलका बीच पीटीआई पार्टीबाट राजीनामा दिएका थिए। त्यसयता उनी ट्रोल भइरहेका छन् ।
पाकिस्तानका पूर्वप्रधानमन्त्री इमरान खानसँग नजिक रहेका आमिर हुसेनले फेब्रुअरीमा आफ्नी दोस्रो श्रीमतीसँग सम्बन्धविच्छेद गरेको २४ घण्टाभित्र दोस्रो निकाह गरेपछि चर्चामा आएका थिए । आमिर आफैंले आफ्नो तेस्रो विवाहको तस्बिर सामाजिक सञ्जालमा सेयर गरेका छन् । उनले लेखेका छन्, ‘म १८ वर्षीया सैयदा दानिया शाहसँग विवाह गर्दैछु । उनी दक्षिण पञ्जाबको लोधरानको एक सम्मानित नजीब उत तारेरैन ’सआदत’ परिवारकी हुन्। म मेरा सबै शुभचिन्तकहरूलाई अनुरोध गर्न चाहन्छु, कृपया हाम्रो लागि प्रार्थना गर्नुहोस्, मैले भर्खरै अँध्यारो सुरुङ पार गरेको छु, यो गलत मोड थियो।’
पाकिस्तानी मिडियाका अनुसार सय्यदा दानिया शाहले बिहे गर्दा उनी स्कुल पढ्दै थिइन् । आमिर लियाकत हुसैनकी दोस्रो बेगम सैयद तुबा थिइन्, उनी अभिनेत्री हुन्। दुवैले सन् २०१८ मा विवाह गरेका थिए जुन करिब ३ वर्षसम्म चलेको थियो । विवाहको डेढ वर्षपछि दुवैबीच झगडा बढ्न थाल्यो । करिब डेढ वर्षदेखि दुवै अलग बस्दै आएका थिए । मुद्दा अदालतमा पुगेपछि दुवैले आपसी सहमतिमा सम्बन्धविच्छेदको बाटो रोजेका थिए । त्यसपछि टुबाले इन्स्टाग्राममार्फत सम्बन्धविच्छेदको जानकारी दिएकी थिइन् ।
आमिर लियाकतको पहिलो विवाह सईद बुशरा इकबालसँग भएको थियो । यस विवाहबाट उनका दुई सन्तान छन् । सन् २०२० मा आमिरले सईद बुशरासँग सम्बन्धविच्छेद गरेका थिए । उनले फोनमा नै तीन तलाकको कुरा गरेका थिए । बुशरा उनको यो कदमबाट गहिरो स्तब्ध भएकी थिइन् ।
