काठमाडौं, ६ वैशाख । ललितपुर महानगरपालिकाका मेयर चिरिबाबु महर्जनले नेपाली काँग्रेसले कुनै हालतमा मेयर र उपमेयर नछाड्ने बताएका छन् । आज प्रधानमन्त्री समेत रहेका काँग्रेस सभापति शेरबहादुर देउवालाई बालुवाटारमा भेट्न पुगेका महर्जनले मेयर उमपेयरसहित जितेका १० वडा आफूहरुले नछाड्ने बताए ।
‘मेयर र उपमेयर हामीले जितेका छौं, कुनै हालतमा छाड्दैनौं,’ महर्जनले पत्रकारको प्रश्नमा भने,‘२९ वडामध्ये १९ वडामा पनि हामी ५० प्रतिशत लिन्छौं ।’ केन्द्रको निर्णय मान्ने र गठबन्धन हुने उनको भनाई थियो ।
गठबन्धन भएपनि मेयर र उपमेयर दुवै छाड्ने अवस्था नभएको बताए । मेयरमा आफूले उम्मेदवार हुने दाबी गरे । उनले भने,‘जितेको मै हुँ, फेरि जित्ने पनि मैं हुँ ।’
उम्मेदवारमा अरु पनि दाबेदार भएको तर आफू नै अगाडि रहेको दाबी गरे ।
