![](https://reportersnepal.com/wp-content/uploads/2022/04/priyanka_chopra_nick_jonas_22646501-768x637.jpg)
एजेन्सी, ८ बैशाख । ग्लोबल स्टार प्रियंका चोपडालाई आज कुनै पहिचानको आवश्यकता छैन। प्रियंकाले आफ्नो करियरमा जुन स्थान हासिल गरिसकेकी छिन्, त्यो हासिल गर्ने सबैको कुरा होइन ।
यस वर्ष प्रियंका र निक छोरीको आमाबुवा बनेका छन् । यो जोडीले जनवरीमा सरोगेसीको सहयोगमा पहिलो सन्तानलाई जन्म दिएका थिए । यो खबर बाहिर आएपछि सबैले सामाजिक सञ्जालमा उनलाई बधाई दिएका छन् । छोरीको जन्मपछि प्रियंकाका फ्यानहरु उनको एक झलक पाउन आतुर छन् । यसै क्रममा सानी बालिकालाई स्वागत गरेको तीन महिनापछि प्रियंकाले छोरीको नाम खुलाएकी छिन् । प्रियंकाले छोरीको नाम एकदमै फरक राखेकी छिन् ।
टीएमजेडको रिपोर्ट अनुसार प्रियंकाकी छोरीले उक्त प्रमाणपत्रमा छोरीको नाम ‘मालती मेरी चोपडा जोनास’ लेखेकी छिन् । यससँगै मालतीको जन्म मिति र समय पनि खुलाइएको छ । यस प्रमाणपत्रमा मालती मेरीको जन्म जनवरी १५ मा राति ८ बजे भएको थियो । यो जानकारी उनको जन्म प्रमाणपत्रबाट प्राप्त भएको हो।
प्रियंका चोपडाकी आमाको पूरा नाम मधु मालती चोपडा हो। जबकि मालती भनेको सुगन्ध वा चाँदनी भएको फूल हो। हाल निक जोनस र प्रियंकाको छोरीको नामको बारेमा कुनै आधिकारिक जानकारी सार्वजनिक गरिएको छैन।
अप्रिल १२ मा प्रियंका चोपडाले आफ्नो बाल्यकालका केही तस्विरहरू इन्स्टाग्राममा सेयर गरेकी थिइन्। यो तस्विरमा उनी आफ्नी हजुरआमा, आमा मधु चोपडा र साथी प्रियम माथुरसँग देखिएकी छिन् । यी तस्विरहरु नायिकाले हजुरआमाको जन्मदिनमा शेयर गरेकी हुन् । यससँगै अभिनेत्रीले आफ्ना आमाबुवा करियर बनाउन व्यस्त हुँदा हजुरआमाले आमाले जस्तै हेरचाह गरेको बताइन् ।