काठमाडौं, १३ बैशाख । सर्वोच्चमा गर्भनर महाप्रसाद अधिकारीले दिएको रिट न्यायाधीशद्धय सपना मल्ल प्रधान र टंकबहादुर मोक्तानको संयुक्त इजलासमा परेको छ ।
आज अन्तरिम आदेशको निरन्तरताको लागि पेसीमा चढेको रिटमाथि छलफल गर्न दुई पक्षलाई बोलाइएको छ । सरकारले आफुलाई निलम्बन गरेको भन्दै अधिकारीले गत बैशाख ५ गते दायर गरेको रिटमा आज सुनुवाईका लागि दुवै पक्षलाई बोलाएको हो ।
न्यायाधीश हरि फुयाँलको एकल इजलासले बैशाख १३ गते सम्मका लागि अल्पकालिन अन्तरिम आदेश दिएको हो । न्यायाधीश फुयाँलले अन्तरिम आदेश दिने वा नदिने भन्ने सम्बन्धमा निर्णय लिन दुवै पक्षलाई आज बोलाएका हुन् ।
दुईपक्ष बीच भएको छलफलपछि अल्पकालिन अन्तरिम आदेशलाई निरन्तरता दिने वा नदिने भन्ने सम्बन्धमा आजै निर्णय हुनेछ ।
