बन्दिपुर, १६ बैशाख । बन्दिरपुरमा लोकप्रिय नेता तथा समाजसेवी ध्रुवलाल प्रधानले गाउँपालिकाको अध्यक्ष पदमा उम्मेदवारी दिएका छन् । नेपाली कांग्रेसको तर्फबाट बन्दिपुर गाउँपालिका अध्यक्षमा प्रधानले उम्मेदवारी दिएका हुन्।
बन्दिरपुरबासीले अत्यन्तै रुचाएका र सबैको प्रिय प्रधानले नगरबासी सबैको माग र चाहानाअनुसार अध्यक्षमा उम्मेदवारी दिएका हुन् । उनी लामो सयमदेखि सामाजिक कार्यमा सक्रिय रहँदै आएका छन् ।
समाजसेवा नै राजनीतिको मूल मर्म ठान्ने प्रधानको इतिहास हेर्ने हो भने पूरै समाजसेवा र मानविय कार्यमा बितेका छन् । समाजमा महत्वपूर्ण योगदान पुर्याउँदै आएका प्रधान सामाजिक संघसंस्थादेखि शैक्षिक क्षेत्रमा पनि क्रियाशील रहँदै आएका छन् । प्रधानसँग गाउँपालिकालाई समृद्ध बनाउने र विकास गने महत्वपूर्ण योजना पनि छन् ।
को हुन् प्रधान ?
नेपाली कांग्रेस तनहुँका पूर्व जिल्ला उपसभापति रहेका प्रधान नेपाल रेडक्रस सोसाइटी तनहुँका पूर्व सभापति हुन्। साथै शैक्षिक क्षेत्रमा योगदान गर्दै आएका प्रधान बन्दिपुर क्याम्पसका पूर्व संचालक समितिको अध्यक्ष समेत हुन् ।
त्यस्तै, लायन्स क्लब तनहुँका संस्थापक अध्यक्ष रहेका प्रधान हाल नेपाली कांग्रेस तनहुँ जिल्ला कार्य समितिका विशेष सल्लाहकार हुन् ।
