काठमाडौं, १८ बैशाख । चितवनमा बाघको आक्रमणबाट एक पुरुषको मृत्यु भएको छ । चितवनको खैरहनीमा बाघको आक्रमणबाट घाँस काट्न गएका खैरहनी नगरपालिका–१३ का नारायण दाहालको मृत्यु भएको प्रहरीले जनाएको छ ।
कुमरोज सामुदायिक वनमा घाँस गएका दाहाललाई बाघले आक्रमण गरेको थियो । बाघले आक्रमण गरेको स्थान भन्दा करीब १ किलोमिटर टाढा दाहालको शव फेला परेको हो ।
दाहाललाई बाघले घाँटी र दाहिने खुट्टामा आक्रमण गरेको प्रहरीले जनाएको छ ।
