काठमाडौं, २१ बैशाख । निर्वाचन आयोगले आगामी बैशाख ३० गते हुने स्थानीय तहको निर्वाचनको लागि सबै स्थानीय तहका उम्मेदवारहरुको अन्तिम नामावली प्रकाशन गरेको छ ।
आयोगले मंगलबार देशभरका ७ सय ५३ स्थानीय तहका वडा सदस्यदेखि पालिका प्रमुखसम्म १ लाख ४५ हजार ९२ जना उम्मेदवारको नामावली प्रकाशन गरेको हो । ८ हजार जनाले मनोनयन दर्ता फिर्ता लिएका थिए भने केही उम्मेदवारी आयोग आफैले खारेज गरिदिएको थियो ।
केही स्थानमा संशोधित कार्यक्रम गर्नुपर्ने तथा केही स्थानहरुमा इन्टरनेटको समस्या, विद्युत अबरुद्ध भएको कारणले विवरणमा थपघट हुनसक्ने आयोगले बताएको छ ।
यसरी हेरौ देशभरका उम्मेदवारको अन्तिम नामावली
