काठमाडौं, २२ बैशाख । नेपाली कांग्रेसका सभापति तथा प्रधानमन्त्री शेरबहादुर देउवाले भरतपुर पुगेर नेता डा.शेखर कोइरालालाई चुनावी सभामा आउन फोन गरेर आग्रह गरेका छन् ।
कोइरालाले भने कार्य व्यस्तताले चितवन आउन नसक्ने जवाफ दिएको उनका स्वकिय सचिव दिनेशचन्द्र थपलियाले जानकारी दिए । कोइराला अहिले पुर्वनिर्धारित कार्यक्रम अनुसार विराटनगरमा छन् ।
सभापतिले फोन गरेर भरतपुरको चुनावी सभामा आउन आग्रह गरेका र कार्यव्यस्ताको कारण भरतपुर आउन नसक्ने जवाफ दिएको कोइरालाका स्वकिय सचिव थपलियाले बताए ।
सत्ता गठबन्धनले आज भरतपुरमा चुनावी सभागर्न लागेको छ। चुनावी सभामा प्रधानमन्त्री देउवा, कांग्रेस नेता रामचन्द्र पौडेल, माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधव नेपाललगायतका गठबन्धनका नेताहरुले सम्बोधन गर्ने कार्यक्रम रहेको छ ।
