काठमाडौं, २४ बैशाख । नेपाली कांग्रेसका सभापति एवम् प्रधानमन्त्री शेरबहादुर देउवा दलबलसहित जनकपुर प्रस्थान गरेका छन् । मधेश प्रदेशको राजधानीसमेत रहेको जनकपुरमा आज हुने पाँच दलीय गठबन्धनको संयुक्त आमसभालाई सम्बोधन गर्न देउवा जनकपुर प्रस्थान गरेका हुन् ।
उनीसँगै कांग्रेस वरिष्ठ नेता रामचन्द्र पौडेलपनि जनकपुर गएका छन् । नेकपा (माओवादी केन्द्र) का अध्यक्ष पुष्पकमल दाहाल प्रचण्ड विहानै जनकपुर पुगिसकेका छन् । पाँच दलीय गठबन्धनद्वारा आज जनकपुरधाममा आयोजना हुन लागेको चुनावीसभालाई सम्बोधन गर्न शीर्ष नेताहरु जनकपुर गएका हुन ।
जनकपुरधामस्थित तिरहुतियामा दिउँसो २ बजे आयोजना हुने चुनावीसभालाई कांग्रेस सभापति प्रधानमन्त्री देउवा, नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’, जनता समाजवादी पार्टीका अध्यक्ष उपेन्द्र यादव, कांग्रेसका वरिष्ठ नेता रामचन्द्र पौडेललगायतका शीर्षनेताहरूले सम्बोधन गर्ने कार्यक्रम रहेको कांग्रेस धनुषाका सभापति योगेन्द्र पजियारले जानकारी दिए। file photo
