काठमाडौं, बैशाख २५ । नेकपा (एमाले)ले आज चितवनको भरतपुर र रुपन्देहीको बुटवलमा चुनावी सभा गर्दैछ। सभालाई पार्टी अध्यक्ष केपी शर्मा ओलीले सम्बोधन गर्ने कार्यक्रम रहेको छ । अहिले विहान १०ः३० बजे मतदातालाई अपिल गर्न काठमाडौंमा बोलाइएको पत्रकार सम्मेलन सकेर अध्यक्ष ओली बुटवलतर्फ लाग्ने कार्यक्रम रहेको छ ।
एमाले चितवन नारायणढको क्याम्पाचौरमा दिउँसो १२ बजे आम सभाको कार्यक्रम राखेको छ । एमाले उपाध्यक्ष रामबहादुर थापा ‘बादल’, सुरेन्द्र पाण्डे लगायतका नेता र राप्रपाका उपाध्यक्ष विक्रम पाण्डेले पनि सम्बोधन गर्नेछन्।
यस्तै, बुटवल वाणिज्य क्याम्पस नजिक हुने चुनावी सभामा अध्यक्ष ओलीसँगै उपाध्यक्ष विष्णु पौडेल, सचिव छविलाल विश्वकर्मा लगायतका नेताले सम्बोधन गर्न एमालेले जनाएको छ।
