काठमाडौं, २९ बैशाख । भोलि (शुक्रबार) स्थानीय तहको निर्वाचन हुँदैछ ।
आयोगले निर्वाचनको तयारी गरिसकेको छ । निर्वाचनका लागि मतदान केन्द्रको कार्य तीव्रताका साथ भइरहेको छ ।
मौसम विभागले निर्वाचनको दिन पानी पर्न सक्ने सम्भावना रहेको निर्वाचन आयोगलाई जानकारी गराएको थियो ।
विभागको जानकारी अनुसार आयोगले सवै स्थानीय तहहरूलाई पालको व्यवस्था गर्न र मुख्य निर्वाचन अधिकृत तथा निर्वाचन अधिकृतहरुलाई मतदान केन्द्रमा त्यसै अनुसार व्यवस्था गर्न निर्देशन दिएको थियो ।
शुक्रबार देशभर एकैसाथ स्थानीय तहको निर्वाचन हुँदैछ । निर्वाचनको अघिल्लो दिन आज मतदाताहरुलाई परिचयपत्र पनि वितरण गरिएको छ ।
आयोगले मतदाता नामावलीमा नाम हुनेहरुले नागरिकता, पासपोर्ट, राष्ट्रिय परिचयपत्र देखाएपनि मत हाल्न पाउने व्यवस्था गरेको छ ।
तस्विर : मुकुन्द कालिकोटे, रिपोर्टर्स नेपाल डटकम
