काठमाडौं, ३० वैशाख : जनता समाजवादी पार्टीका सङ्घीय परिषद् अध्यक्ष डा. बाबुराम भट्टराईले स्थानीय तह निर्वाचनमा उत्साहपूर्वक सहभागी बन्न आग्रह गरेका छन् ।
निर्वाचनलाई ३५ हजार स्थानीय जनप्रतिनिधि प्रत्यक्ष चुनिने देशको सबैभन्दा ठूलो लोकतान्त्रिक महायज्ञ भनेका छन् ।
उनले सामाजिक सञ्जाल ट्वीटरमार्फत उनले तल्लो तहको लोकतन्त्रको जग बलियो बनाउनुपर्ने औंल्याए ।
डा. भट्टराईले गृह जिल्ला गोरखाको पालुङटार नगरपालिका–१, खोप्लाङ डाँडागाउँस्थित अन्नपूर्ण मावि मतदान केन्द्रमा मतदान गर्ने भएका छन् ।
३५हजार स्थानीय जनप्रतिनिधि प्रत्यक्ष चुनिने देशको सबभन्दा ठूलो/महत्वपूर्ण लोकतान्त्रिक महायज्ञमा सबै उत्साहपूर्वक सहभागी बनौं र भूइॅतहको लोकतन्त्रको जग बलियो बनाऊॅ! म गोरखा पानपा-१खोप्लांग डाॅडागाउॅस्थित अन्नपूर्णमाविको बूथमा उपस्थित भएर आफ्नो लोकतान्त्रिक अधिकार प्रयोग गर्नेछु!
