काठमाडौं, जेठ २ । कीर्तिपुर मैदानमा आजबाट शुरु हुने वुमेन्स टि-२० आई सिरिजको पहिलो खेलमा नेपाल र युगान्डा भिड्दैछन् । टियु क्रिकेट मैदानमा हुने खेल दिउँसो १ बजे शुरु हुनेछ ।
पहिलोपटक घरेलु मैदानमा अन्तराष्ट्रिय सिरिज खेल्न लागेको नेपाली महिला टोली आजको खेलमा जीत निकाल्दै सिरिजमा सुखद शुरुवात गर्न चाहन्छ्न् । नेपालले आफ्नो पछिल्लो खेल गत वर्ष नोभेम्बरमा खेलको थियो ।
आईसीसी महिला विश्वकपको एसिया रिजनको छनोट अन्तर्गत भएको उक्त खेलमा युएईसँग ४८ रनको हार बेहोरेको नेपाल आजको खेल जित्दै पुनरागमन गर्न चाहन्छ । नेपालले आफ्नो पछिल्लो ५ खेलमा ३ जीत र २ हारको नतिजा निकालेको छ ।
यता युनान्डापनि आजको खेल जित्दै सिरिजमा सुखद शुरुवात गर्न चाहन्छ । युनान्डाले आफ्नो पछिल्लो ६ खेलमा जीतको अनुभव गर्न पाएको छैन । नेपाल भ्रमण गर्नु अगाडि युगान्डाले नामिबियामा घरेलु टोली र जिम्बाब्वे सम्मीलित त्रिकोणात्मक टि-२० आई सिरिज खेलेको थियो । सिरिजको सबै ६ खेलमा युगान्डा पराजित भएको थियो ।
आईसीसी टि-२० को वरीयतामा नेपाल १६ औं र युगान्डा १९ औं स्थानमा रहेका छन्
