काठमाडौं, ५ जेठ । भरतपुर महानगरपालिकाको मेयरमा नेकपा (माओवादी केन्द्र) की उम्मेद्धवार रेनु दाहालले अग्रता फराकिलो बनाएकी छिन् ।
अहिलेसम्म ४१ हजार ४ सय १४ मत गणना हुँदा दाहालले १५ हजार ७ सय ४७ मत ल्याएकी छिन् ।
एमालेका उम्मेद्धवार विजय सुवेदीले १२ हजार ६ सय १९ मत ल्याएका छन् ।
स्वतन्त्र उम्मेद्धवार जगन्नाथ पौडेलले ६ हजार ५ सय १३ मत ल्याएका छन् ।
उपमेयरमा भने कांग्रेसका चित्रसेन अधिकारीले १८ हजार २ सय ४० ल्याएका छन् ।
राप्रपाकी हिमला गुरुङ्गले १० हजार १ सय ३६ मत प्राप्त गरेका छन् ।
