एजेन्सी, ८ जेठ । पाकिस्तानका प्रधानमन्त्री इमरान खानमाथि सत्तारुढ दलकी नेता मरयाम नवाजले अनियमितताको आरोप लगाएकी छिन् । मरयामले खानमाथि आफ्ना साथीलाई ४ करोड रुपी सरकारी ढुकुटीबाट लाभ दिएको आरोप लगाएकी हुन् ।
निजी टेलिभिजन द न्यूज इन्टरनेशनलका सीइओ समेत रहेका सलमान इकवाललाई उक्त रकम दिनुका साथ १२ करोड रुपी कर समेत छूट गराएको आरोप लगाएकी छिन् । उक्त टेलिभिजन च्यानलले राज्यका संस्थाहरुमाथि योजनावद्ध तरिकाले आक्रमण गरिरहेको टिप्पणी समेत गरेकी छिन् । सलमानमाथि सुन तस्करीको आरोप समेत लगाएकी छिन् ।
इमरानको कार्यकालमा कतिपय अनियमितताको घटनाबारे समेत मरयामले खुलासा गरेकी छिन् । अहिले खानका निकटस्थ र मरियमबीच आरोप प्रत्यारोप बढ्न थालेको छ । मरयाम पाकिस्तानका पूर्व प्रधानमन्त्री नवाज सरिफकी छोरी हुन् ।
