काठमाडौं, १३ जेठ । नारायणगढ–मुग्लिन सडकखण्डमा आज ग्याँस बोेकेको बुलेटमा आगो लागेपछि अबरुद्ध भएको यातायात सुचारु भएको छ ।
नारायणगढबाट मुग्लिनतर्फ जाँदै गरेको युपी १७ एटी ८६२७ नम्बरको ग्याँस बोकेको बुलेटमा पन्ध्रकिलो भन्ने स्थानमा आगलागी भएको थियो । र आगो नियन्त्रणमा आएपछि अहिले यातायात सुचारु भएको हो ।
नेपाली सेना, प्रहरी र भरतपुर महानगरको दकमलको सहयोगमा आगो नियन्त्रणमा आएको प्रहरीले जनाएको छ । आगो लागेर ग्याँस बुलेटको क्याविन र अगाडीको टायरमा क्षति भएको छ ।
१ बजेतिर बुलेटमा आगालागी भएको हो । आगलागीबाट क्षति कम गर्न नारायणगढ–मुग्लिङ सडकखण्ड दुई तर्फी बन्द गरेको हो ।
