एजेन्सी, १५ जेठ । भारतका प्रधानमन्त्री नरेन्द्र मोदी हरेक महिना रेडियो कार्यक्रम मन की बात मा बोल्छन् । करोडौं श्रोताले सुन्ने उक्त कार्यक्रममा यसपटक उनले जापान भ्रमणमा जाँदा भेटेका दुईजना जापानी नागरिकबारे बोले । ती जापानीले हिन्दी धाराबाहिक रामायण र महाभारतको जापानी भाषामा काम गरेका छन् ।
निर्देशक हिरोसी कोइकेबारे बोल्दै मोदीले महाभारतको विभिन्न भाषामा निर्देशन गरी रिलिज पनि गरेका छन् । कम्बोडियामा महाभारत त्यहींका स्थानीय कलाकारलाई अभिनय गर्न लगाएर प्रदर्शन गराए । उनले इन्डोनेशिया, थाइल्यान्ड, मलेशिया र जापानमा पनि धाराबाहिक महाभारत निर्माण गरी प्रदर्शन गरे ।
मोदीले जापानी नागरिक अतसुसी मात्सुओ र केन्जी योसीबारे पनि बोले । उनीहरुले सन् १९९३ मा रामायणको एनिमेशन फिल्म बनाएका थिए । ३९ वर्ष अघि रामायणबारे जानकारी पाएर दुई जापानीले गहिरो अध्ययन गरेका थिए । उनीहरुले जापानी भाषामा प्रकाशित रामायणको अध्ययन गरेका थिए । त्यसपछि वर्षौं लगाएर एनिमेशन फिल्म बनाइरहेका छन् ।
मोदीले जापानी नागरिकहरुले रामायणको एनिमेशन फिल्म बनाइरहेको सुनाए । उनले कसरी संस्कार र संस्कृतिले देशलाई चिनाउँछ र बाह्य सँसारमा पनि फैलन्छ भन्ने उदाहरण प्रस्तुत गरे ।-File Photo
