काठमाडौं, १८ जेठ । काठमाडौं महानगरपालिकाका नवनिर्वाचित मेयर बालेन शाहले प्रधानमन्त्री शेरबहादुर देउवासँग भेटवार्ता गरेका छन् । भेटवार्तामा प्रधानमन्त्री देउवाले काठमाडौं महानगरको विकासको लागि सहकार्य गर्ने बताएका थिए ।
मेयर शाह आज (बुधबार) प्रधानमन्त्री निवास बालुवाटार पुगेर प्रधानमन्त्री देउवासँग भेटवार्ता गरेका हुन् । भेटवार्तामा प्रधानमन्त्री देउवाले शाहलाई चमत्कार गरेको भन्दै खुशी व्यक्त गरे । र, शाहको पाँच वर्षको कार्यकालमा आफूहरुको साथ रहने पनि प्रतिबद्धता जनाए ।
यसअघि शाहले नेकपा (एमाले) का अध्यक्ष केपी शर्मा ओलीसँग पनि भेटवार्ता गरेका थिए ।
