काठमाडौं, जेठ १९। अर्जेन्टिनाले फाइनलसिमा इटालीलाई ३–० गोल अन्तरले हराउँदै २०२२ को उपाधि जितेको छ ।वेम्बली स्टेडियममा बुधबार राति भएको खेलमा लाउटरो मार्टिनेज, एन्जल डी मारिया र पाउलो डिबालाको एक एक गोलको मद्दतले अर्जेन्टिना च्याम्पियन बनेको हो ।
खेलको २८ औं मिनेटमा मार्टिनेजले गोल गर्दै अर्जेन्टिनालाई सुरुआती अग्रता दिलाएका थिए । पहिलो हाफको इन्जुरी समयमा डी मारियाले गोल गर्दै अर्जेन्टिनालाई २-० को अग्रता दिलाए ।
त्यसपछि खेलको इन्जुरी समयमा डिबालाले गोल गर्दै अर्जेन्टिनालाई ३-० को सहज जित दिलाए । यससँगै अर्जेन्टिना तेस्रो संस्करणको ‘फाइनलसिमा’ च्याम्पियन बनेको छ ।
