काठमाडौं, २२ जेठ । सुदुरपश्चिमाञ्चल सरोकार मञ्च नेपालको ११औं साधारण सभा सम्पन्न भएको छ । काठमाडौंको गौशलास्थित अनुपम फुडल्याण्डमा भएको सभाको उद्घाटन नेपाली कांग्रेसका सभापति तथा प्रधानमन्त्री शेरबहादुर देउवाले गरेका हुन् ।
सुदुरपश्चिमाञ्चल सरोकार मञ्च नेपालको एघारौ साधारण सभामा प्रधानमन्त्री देउवाले मञ्चले प्रकाशित गरेको ‘सुदुरपश्चिम प्रदेशको सर्वाङ्कीण विकासको मानचित्र २०७५’ नामक पुस्तक विमोचन गरेका थिए ।
मञ्चको बधाई, सम्मान तथा अभिनन्दन कार्यक्रम २०७९ मा नेपाली कांग्रेसका नेता दिलेन्द्र बडुलगायतका नेताहरुको उपस्थिति थियो । कार्यक्रममा विभिन्न व्यक्तित्वहरुलाई सम्मान तथा अभिनन्दन गरिएको थियो । Photo : Mukunda Kalikote
