एजेन्सी । सुपरस्टार खेलाडी लियोनल मेस्सीले पाँच गोल गरेपछि अर्जेन्टिनाले अन्तराष्ट्रिय मैत्रीपूर्ण खेलमा सहज जीत निकालेको छ । गएराति भएको खेलमा इस्टोनियालाई ५-० गोलले पराजित गर्दै अर्जेन्टिनाले आफ्नो अपराजित यात्रालाई ३३ औं खेलसम्म लम्ब्याएको हो ।
घरेलु मैदान एस्टेडियो अल साडरमा भएको खेलको आठौं मिनेटमा मेस्सीले पेनाल्टीमा गोल गर्दै अर्जेन्टिनालाई शुरुवाती अग्रता दिलाएका थिए । ४५ औं मिनेटमा मेस्सीले व्यक्तिगत दोस्रो गोल गर्दै अर्जेन्टिनाको अग्रता दोब्बर बनाए ।
४७ औं मिनेटमा मेस्सीले व्यक्तिगत तेस्रो गोल गर्दै ह्याट्रिक पूरा गर्दा अर्जेन्टिना सहज जीततर्फ अगाडि बढेको थियो । ७१ औं मिनेटमा मेस्सीले व्यक्तिगत चौथो गोल गरे । यस्तै ७६ औं मिनेटमा मेस्सीले पाँचौ गोल गर्दै अर्जेन्टिनालाई ५-० गोलको जीत दिलाएका हुन् ।
