काठमाडौं, २३ जेठ । रुपन्देहीको रोहिणी खोलाको पुलबाट बस खस्दा मृत्यु भएका नौ जनाको सनाखत भएको छ । दुर्घटनामा परी मृत्यु भएका सबैको सनाखत भएको रुपन्देही प्रहरीले जनाएको छ ।
२० जना घाइते भएका थिए । मृत्यु भएका मध्ये बुटवलका विष्णु पौडेल, बुटबलका कृष्णप्रसाद बस्याल, रुपन्देहीमा राजेन्द्रपूसाद पाण्डे र भारतीय नागरिक अरविन्द शर्मा,तिलोत्तमा नगरपालिका–८ की ३७ वर्षकी तुलसी बस्याल, तिलोत्तमा–२,योगीकुटीका ५६ वर्षका विष्णु पौडेल, रौतहट चन्द्रनिगाहपुरका २० वर्षका दिनेश दास रहेका छन् ।
यसैगरी, नागेन्द्र शर्मा र सितामढी भारतका ४५ वर्षका सञ्जय गुप्ता र महोत्तरी पिप्रहवा–५का ३० वर्षका चन्दन यादव, रौतहट चन्द्रनिगाहपुरका २० वर्षका दिनेश दास को मृत्यु भएको छ ।
भैरहवा आउँदै गरेको लु २ ख ३८४१ नम्बरको बस भैरहवा सडक खण्डस्थित पुलबाट खसेको थियो ।
