एजेन्सी, २९ जेठ । अमेरिकी टिकटक स्टार १९ वर्षीया कूपर नोरिजियाको मृत्यु भएको छ । उनको शव जुन ९ मा लस एन्जलसको एक मलको पार्किङमा भेटिएको हो ।
लस एन्जलस मेडिकल एग्जामिनरको अनुसार उनको मृत्युको कारण भने खुल्न सकेको छैन । यस विषयमा अनुसन्धान भइरहेको छ ।
कूपरको टिकटकमा उनका १७ लाखभन्दा बढी फलोअर्स छन् । कुपरको निधनको खबरले उनका फ्यानहरु निकै स्तब्ध भएका छन् ।
कूपरले आफ्नो मृत्यु हुनुभन्दा केही समयअघि सामाजिक सञ्जालमा पोस्ट गर्दै लेखेका थिए, ’कसले सोच्छ ती मानिसहरू सानैमा मर्नेछन्।’ यो पोस्टको केहि घण्टा पछि उनको मृत्यु भएको जनाइएको छ। रिपोर्टका अनुसार कूपरको शरीरमा हिंसाको कुनै निशान वा प्रमाण फेला परेको छैन् ।
कूपरले जुन ५ मा सामाजिक सञ्जालमा डिस्कर्ड समूह बनाएका थिए। यस समूहमार्फत उनले आफ्ना अनुयायीहरूसँग मानसिक स्वास्थ्यका बारेमा कुरा गरे। सोही समयमा यो समूह मार्फत, कूपरका अनुयायीहरूले मानसिक स्वास्थ्यको बारेमा आफ्ना अनुभवहरू साझा गर्थे। कूपरले यो समूह बनाए र लेखे, ’यदि तपाईं आफ्नो भावना बाहिर निकाल्न चाहनुहुन्छ भने आउनुहोस् र सामेल हुनुहोस्। मैले यो बनाएको छु किनकि म तिमीलाई माया गर्छु र म यसको साथ संघर्ष गर्दैछु। म तपाईंलाई सहज महसुस गराउन चाहन्छु कि तपाईं एक्लै हुनुहुन्न।
कूपरका टिकटकमा १.७७ मिलियन फलोअर्स थिए । उनले टिकटकमा फेसनको बारेमा हास्यास्पद भिडियोहरू पोस्ट गर्थे। योसँगै उनको इन्स्टाग्राममा ४ लाख २७ हजार फलोअर्स पनि थिए ।
