काठमाडौं, १४ असार । आक्रामक प्रहरीका रुपमा पृथक परिचय बनाएका पूर्वआइजीपी सर्वेन्द्र खनाल यतिबेला चुनावी तयारीमा छन् । उनी आउँदो प्रतिनिधि सभा निर्वाचनमा चुनाव लड्ने पक्का भइसकेको छ ।
धेरैका लागि सर्वेन्द्र खनाल कुनै दल विशेष या स्वतन्त्रमध्ये कहाँबाट चुनाव लड्लान् भन्ने चासो छ । तर, उनी राजनीतिमा होमिइसकेका छन् । यसपटक पछाडि नहट्ने गरी बढेका छन् ।
प्रहरीमा हुँदा उनले अपराध अनुसन्धान र समाज सुधारमा धेरै पृथक कामहरु गरे । यसले उनलाई लोकप्रीयताको चुलीमा पुर्यायो । अब उनी राजनीतिमा कसरी प्रस्तुत हुने हुन् चासो बनेको छ ।
