एजेन्सी, २१ असार । भारतीय कांग्रेसका नेता राहुल गान्धीविरुद्ध झुटा समाचार प्रशारण गरेको आरोपमा जि न्यूजका प्रस्तोता रोहित रञ्जन मंगलबार बिहान पक्राउ परेका छन् ।
आज बिहान ५.३० बजे रोहितको इन्दिरापुरमको घर बाहिर पुगेका छत्तीसगढबाट खटिएका प्रहरीले उनलाई पक्राउ गरेको हो ।
भारतीय समाचार एजेन्सी दैनिक भाष्करको अनुसार ढोकामा पुलिस देखेर रोहितले ट्वीट गर्दै यूपी पुलिससँग मद्दत मागेका थिए । गाजियाबाद प्रहरीले उनको ट्विटको जवाफ दिएको थियो ।
रायपुर प्रहरीले पनि ट्विटमार्फत उक्त प्रस्तोतालाई अनुसन्धानमा सहयोग गर्ने जानकारी गराएको थियो । यसैबीच गाजियाबादको इन्दिरापुरमका प्रहरी रोहितको घर पुगेपछि उनको घरमा नोएडा पुलिस प्रवेश गरेको थियो । रोहितलाई पक्राउ गर्ने विषयमा रायपुर र इन्दिरापुरम प्रहरीबीच झडप भएको एजेन्सीले जनाएको छ । नोएडा पुलिसले रोहितविरुद्ध मुद्दा दर्ता भएको भन्दै र रायपुर पुलिसको अगाडि रोहितलाई पक्राउ गरेको हो ।
मंगलबार बिहान साढे ५ बजे रायपुर पुलिस प्रस्तोता रोहितलाई पक्राउ गर्न गाजियाबाद पुगेको थियो। रोहित गाजियाबादको इन्दिरापुरम क्षेत्रमा नियो स्कर्टिस सोसाइटीमा बस्छन्। रोहितले साँझ ६ः१६ मा ट्वीट गरे र यूपीका मुख्यमन्त्री योगी आदित्यनाथ, एएसपी गाजियाबाद र एडीजी जोन लखनऊसँग मद्दत मागे।
ट्विटमा नै जवाफ दिँदै रायपुर प्रहरीले रोहितलाई सहयोग गर्ने र अदालतमा उनको पक्षमा बोल्ने बताएको छ । यसैबीच गाजियाबाद पुलिसले पनि ट्वीट गर्दै रोहितलाई यो विषयमा जानकारीमा रहेको र आवश्यक कारबाही गरिरहेको बताएको छ। इन्दिरापुरम पुलिस रोहितको घर बाहिर साँझ साढे ६ बजे पुगेको थियो ।
रायपुर र गाजियाबाद प्रहरीबीच युपी प्रहरीको अनुमतिबिना पक्राउ गरेको विषयमा बहस सुरु भएको छ । त्यसपछि अचानक ७ ः १६ मा नोएडा पुलिसले प्रवेश गरी रोहितलाई पक्राउ गर्यो।
