देउवामा हुत्ति नभएको ओलीको आरोप, मन्त्रीपनि हटाउन नसकेको टिप्पणी (भिडिओसहित)

काठमाडौं, २४ असार । नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले नेपाली कांग्रेससँग देश बनाउने कुनै नीति नै नभएको आरोप लगाएका छन् । उनले भने,‘कांग्रेससँग हुति नै छैन्, नीति नै छैन् । विचार नै छैन् । के गर्ने भन्ने कुरा कांग्रेसलाई थाहा छैन् । यसपटक पनि मन्त्रीले आँफैले राजीनामा दिएर हो, नत्रभने प्रधानमन्त्रीले निकाल्छन् भन्ने त के ? प्रधानमन्त्रीसँग मन्त्री निकाल्ने हुति छ ?’

आज (शुक्रबार) छविलाल कार्कीको १२औं स्मृति दिवसमा आयोजित कार्यक्रममा बोल्दै ओलीले यस्तो टिप्पणी गरेका हुन् । उनले माओवादी केन्द्रका अध्यक्ष पुष्पकमल दाहालले क्रान्तिको सपना देखाएर आफ्नो स्वार्थ सेकेको आरोप लगाए । उनले भने,‘अहिले त भ्रष्टाचार गर्छन् उनीहरु, धम्क्याउँछन् हामीलाई हौं ? युवाहरु खाडी गए, किन गए भन्दा माओवादीले गर्दा गए । किन युवाहरु बेरोजगार भए ? माओवादीले गर्दा बेरोजगार भए ।’ Photo By: Mukunda Kalikote/ReportersNepal

https://www.facebook.com/RishiDhamalaOfficial/videos/3145606522368069