काठमाडौं, २७ असार । कर्णाली प्रदेशका आर्थिक मामिला मन्त्री बिन्दमान विष्टलाई उपचारको लागि काठमाडौं ल्याइएको छ।
फोक्सो र घाँटीको समस्याबाट ग्रस्त मन्त्री विष्टको काठमाडौंको मेडिसिटी अस्पतालमा उपचार भइरहेको छ ।
विष्ट बजेट बनाउने समयदेखि नै अस्वस्थ्य थिए ।
२ दिन अघि अस्वस्थ भएका मन्त्री विष्टलाई कर्णाली स्वास्थ्य विज्ञान प्रतिष्ठानमा भर्ना गरिएको थियो । उनलाई हेलिकप्टरबाट काठमाडौं ल्याइएको हो ।
