धनराज गुरुङले भने–निर्वाचनपछिको प्रधानमन्त्री गगन थापा होईन शेरबहादुर देउवा नै हो (भिडिओसहित)

काठमाडौं, ५ साउन । नेपाली कांग्रेसका उपसभापति धनराज गुरुङले आगामी निर्वाचनपछि पनि शेरबहादुर देउवा नै प्रधानमन्त्री बन्ने दाबी गरेका छन् । उनले अहिले पार्टीका महामन्त्री गगनकुमार थापाले भावी प्रधानमन्त्रीको रुपमा आफूलाई प्रस्तुत गरेपनि थापा प्रधानमन्त्री बन्न नसक्ने स्पष्ट पारेका छन् । हालै प्राइम टिभीबाट प्रसारण भएको ‘जनता जान्न चाहन्छन्’ कार्यक्रममा पत्रकार ऋषि धमलासँगको कुराकानीमा उनले आगामी निर्वाचनपछिको सरकारको नेतृत्व आफूहरुसम्म आउन नभ्याउने दाबी गरे ।

उनले भने,‘यो आउने निर्वापछिको सरकारको नेतृत्व धनराज गुरुङसम्म आउन भ्याउँदैन् । मसँग यो कुराको राम्रो ज्ञान छ । मसँग योजना छ । दृष्टिकोण छ । एभ्रीथिङ आई ह्याभ, आई क्यान डन् । तर, यो भनेर मात्रै पुग्दैन् ।’ उनले गगन थापाले आगामी निर्वाचनमा आफूलाई प्रधानमन्त्रीको रुपमा प्रस्तुत गरेकोप्रति संकेत गर्दै राजनीतिमा धेरै महत्वकांक्षी हुन नहुने स्पष्ट पारे । उनले भने,‘त्यसो भएकोले सबै कुरालाई हेर्नुपर्छ । नेताले त आँखा चिम्लिएर बोल्नुहुन्नँ । त्यसैले आगामी निर्वाचनपछिको सरकारको नेतृत्व अथवा प्रधानमन्त्री धनराज गुरुङ होईन । यसमा मेरो प्रष्ट धारणा छ, प्रतिबद्धता र घोषण त जसले गर्न पनि पाउँछन् । तर, पार्टीको पद्धतीले धेरै कुराको फरक पार्छ ।’