काठमाडौं, १० साउन । पूर्व प्रधानमन्त्री डा. बाबुराम भट्टराईले खोल्ने नयाँ दल नेपाल समाजवादी पार्टीमा दुई अध्यक्ष रहने भएका छन् ।
भट्टराई भने नयाँ बन्ने पार्टीमा पनि संघीय परिषद् अध्यक्षको भूमिका नै रहने भएका छन् । अब बन्ने पार्टीमा दुई अध्यक्ष राख्ने तयारी भएको छ ।
कार्यकारी अध्यक्षमा भने महिन्द्र राय यादव रहने जनाईएको छ । त्यस्तै, अर्को अध्यक्षमा गंगा श्रेष्ठ रहनेछन् । यसअघि नयाँ दलमा तीन अध्यक्ष रहने जनाईएको थियो ।
महिन्द्र राय यादवले भने जसपामा उपेन्द्र यादवलाई छोडेर बाबुरामलाई साथ दिएका थिए । पार्टीको नाम जुर्नुअघि नै यादव अध्यक्ष बन्ने चर्चा थियो ।
