एजेन्सी, १३ साउन । बलिउड स्टार सञ्जय दत्तको प्रोफेशनल लाइफभन्दा पनि पर्सनल लाइफको चर्चा बढी हुन्छ ।
सञ्जयको जन्म २९ जुलाई १९५९ मा सुपरस्टार सुनिल दत्त र नरगिसको घरमा भएको थियो । उनले फिल्म ‘रकी’ बाट अभिनयमा डेब्यु गरेका हुन् ।
सञ्जयले आफ्नो फिल्मी करियरमा १८७ फिल्ममा अभिनय गरेका छन् । सञ्जयको जीवन उथलपुथलले भरिएको थियो ।
उनी १९८० को दशकमा चरस, गांजा र ड्रग्सको लतका कारण चर्चामा रहे र त्यसपछि सन् १९९३ को मुम्बई बम विस्फोटमा उनको नाम अन्डरवर्ल्डसँग पनि जोडियो । आज सञ्जय दत्तको ६३ औं जन्मदिन हो ।
