काठमाडौं, १७ साउन । तेह्रथुममा छोराको कुटपिटबाट बावुको मृत्यु भएको छ । छथर गाउँपालिका–५ ठकुरी टोलका भक्तबहादुर भण्डारीको आफ्नै छोराको कुटपिटबाट मृत्यु भएको हो ।
मंगलबार बिहान उनका छोरा टंक भण्डारीले धान कुट्ने मुस्लिले पिताको टाउकोमा हानेका थिए । उपचारको लागि भक्तबहादुरलाई अस्पताल लगिएपनि उनको उपचारको क्रममा मृत्यु भएको प्रहरीले जनाएको छ।
छोरा टंक भने फरार रहेका छन् । उनको खोजी भइरहेको छ ।
