काठमाडौं, ७ साउन । काठमाडौं महानगरले नयाँ बानेश्वर चोकमा रहेको बानेश्वर कम्प्लेक्सको अन्डरग्राउण्ड पार्किङ खुलाउन संरचनाहरू भत्काएको छ । महानगरसँगको सम्झौताविपरित त्यहाँ संरचना बनाईएको भन्दै आज ती संरचना भत्काईएको हो ।
अन्डरग्राउण्ड पार्किङ छोपेर पसल सञ्चालन गरिरहेका बानेश्वर कम्प्लेक्सलगायत त्यस वरपर क्षेत्रका व्यापारिक भवनमा पार्किङ खुलाउन मेसिन प्रयोग गरेर महानगर प्रहरीले संरचना भत्काएको हाम्रा सहकर्मी मुकुन्द कालिकोटेले जानकारी दिए । ती संरचना भत्काउनको लागि मेयर बालेन्द्र शाह आँफै फिल्डमा खटिएका थिए ।
तस्विर : मुकुन्द कालिकोटे/रिपोर्टर्स नेपाल डटकम
