ललितपुर, भदौं १० । अल्का अस्पतालले तीजको अवसरमा महिलाहरुलाई छुटको योजना ल्याएको छ।
महिलाहरुलाई केन्द्रित गरेर अल्का अस्पतालले आजदेखि १७ गतेसम्म अस्पतालमा उपचार गर्न आएकाहरुलाई ओपिडी सेवामा २० प्रतिशतसम्म छुटको योजना सार्वजनिक गरेको हो ।
अस्पतालका सबै सेवामा महिलाहरुलाई २० प्रतिशतसम्म छुट दिएको अस्पतालका प्रशासन प्रमुख भगवान केसीले बताए ।
उनले भने,‘अस्पतालका ओपिडी सेवा आएका सबै महिलाहरुलाई २० प्रतिशतसम्म छुट हुन्छ ।’ यो छुट बिरामीहरुलाई ल्याव परीक्षणमा पनि कायम रहने अस्पतालले जनाएको छ।
ललितपुरको जावलाखेलमा अवस्थित अल्का अस्पतालले १७ वर्षदेखि बिरामीहरुलाई सेवा दिइरहेको छ। अल्का अस्पतालको आफ्नै नर्सिङ्क कलेज र पोलिक्लिनिक पनि छ।
