काठमाडौं, भदौ १९ । स्पेनिस ला लिगाअन्तर्गत शनिबार राति भएको खेलमा बार्सिलोना र रियल म्याड्रिडले जित निकालेका छन् । रोबर्ट लेवान्डोवस्कीले जारी लिगको तीन खेलमा पाँच गोल गर्दा बार्सिलोनाले सेभियामाथि ३–० को सहज जित निकाल्यो ।
२१औं मिनेटमा राफिन्होको गोलमा बार्सिलोनाले अग्रता लिएको थियो । खेलको ३६औं मिनेटमा लोवान्डोवस्कीले बार्सिलोनाको अग्रता दोब्बर पारेका थिए । ५०औं मिनेटमा गार्सियाले गरेको गर्दा बार्सिलोनाले सहज जित पायो । बार्सिलोना १० अंक सहित दोस्रो स्थानमा छ ।
यता, रियल बेटिसमाथि २–१ को जित निकाल्दै साविक विजेता रियल म्याड्रिडले स्पेनिस ला लिगा सतप्रतिशत जित यात्रा कायम राखेको छ ।
सान्टियागो बर्नबेउमा घरेलु टिमको जित यात्रालाई कायम राख्न भिनिसियस जुनियर रोड्रिगोले गोल गरेका छन् । रियल बेटिसका सर्जियो क्यानालेसले गोल गरेका थिए ।
जितसँगै चार खेलबाट १२ अंक जोडेको रियल म्याड्रिडशीर्ष स्थानमा छ । यस्तै, समान खेलबाट ९ अंक जोडेको बेटिस तेस्रो स्थानमा छ ।
