काठमाडौं, ३० भदौ । नेपाली कांग्रेसका दिवंगत नेता तथा पूर्वमन्त्री नवीन्द्रराज जोशीको धर्मपत्नी सपना राजभण्डारी जोशी काठमाडौं–८ बाट उम्मेदवार सिफारिस भएकी छिन् ।
नवीन्द्र पत्नी सपनाले प्रतिनिधिसभा निर्वाचनका लागि काठमाडौं क्षेत्र नम्बर ८ बाट चुनाव लड्नेगरी पार्टीमा आवेदन दिएकी थिइन् ।
उनको यसअघि पनि काठमाडौं महानगरको प्रमुख उम्मेदवारका रुपमा समेत चर्चा भएको थियोे । यस क्षेत्रबाट नेता राजुराज जोशीलेपनि उम्मेदवार हुनका लागि पार्टीमा आवेदन बुझाएका थिए ।
जोशी गत सम्पन्न १४औं महाधिवेशनमा काठमाडौं क्षेत्र नं ८ बाट सर्वसम्मत महासमिति सदस्य चयन भएकी थिइन् । नेता नविन्द्रराज जोशीसँग वैवाहिक जीवनमा गासिनु अघि सक्रिय विद्यार्थी राजनीतिमा थिइन् । नवीन्द्र सोही क्षेत्रबाट २०६४ र २०७० मा संविधानसभा सदस्य निर्वाचित भएका थिए ।
०७४ को निर्वाचनमा उम्मेदवार बनेका जोशी ४४४ मतान्तरले वर्तमान पर्यटन मन्त्रीसँग पराजित भएका थिए । काठमाडौं भित्र राम्रो सांगठनिक पकड र निष्ठा इमानदारीपूर्वक राजनीति गर्ने नविन्द्रकोछवि सर्वप्रिय थियोे ।
नविन्द्रको निधनपछि नवीन्द्रले सुरुवात गरेको घरदैलो कार्यक्रममा निरन्तर सहभागी भइ नविन्द्रको सपना साकार गर्न सपना सदैव तत्पर देखिदै आएकी छन् ।
