काठमाडौं, १ असोज । सर्वोच्च अदालतका निलम्बित प्रधानन्यायाधीश चोलेन्द्र शमशेर राणामाथिको महाभियोग सिफारिस समितिको बैठकले आजै प्रतिवेदन बुझाउने भएको छ । समितिमा रहेका एमाले सांसदहरुले भने नोट अफ डिसेन्ट लेख्ने भएका छन् ।
एमाले सांसद कृष्णभक्त पोखरेलले यस्तो जानकारी दिएका हुन् । अहिले सिंहदरबारस्थित कानुन न्याय तथा मानवअधिकार समितिको हलमा बैठक बसिरहेको छ । आजको बैठकबाट महाभियोगको प्रतिवेदनलाई अन्तिम रूप दिएर सभामुखलाई बुझाउने तयारी छ । सांसद पोखरेलले भने–‘हामी समितिमा नोट अफ डिसेन्ट लेख्छौं ।’ समितिले बहुमतले प्रतिवेदन पारित गर्ने भएको छ । file photo
