काठमाडौं, २ असोज । लुमिनस पावर ब्याकअप सोलुसन र सनवर्थ सोलार प्यानलको लागि नेपालको आधिकारिक बिक्रेता अमट्रेड प्रालीले बाकु, अजरबैजानमा हालै डिलर कन्फरेनस् २०२२ सम्पन्न गरेको छ ।
अमट्रेड प्रालीले उक्त कार्यक्रममा आफ्नो बार्षिक बजारीकरण योजना अन्तर्गत कम्पनीले निर्धारण गरेको मापदण्ड भित्र रहेर हरेक त्रैमासिकमा उच्च कारोवार गर्ने डिलरहरुलाई स्टार डिलर अफ द क्वार्टरद्वारा सम्मान प्रदान गरेको छ।
सो कार्यक्रममा अमट्रेड प्रालीका सञ्चालन प्रमुख योगराज ढुंगाना र लुमिनस पावर टेक्नोलोजी प्रालीका गौरव शर्माले पोखराका भट्टराई एन्ड ब्रदर्स सप्लायर्स प्रा.लि लाई २०२२ को प्रथम क्वार्टरको स्टार डिलर अवार्ड प्रदान गरेका हुन् ।
दोस्रो त्रैमासिकमा उच्च कारोवार गर्ने न्यूरोड, नारायणघाटका नमस्ते ट्रेडिंग एण्ड सप्लायर्सका संचालक मान बहादुर अधिकारीले २०२२ को दोस्रो क्वार्टरको स्टार डिलर अवार्ड प्राप्त गरे ।
सो कार्यक्रममा भट्टराई एन्ड ब्रदर्स सप्लायर्स प्रा.लि र नमस्ते ट्रेडिंग एण्ड सप्लायर्सलाई स्टार डिलर अवार्ड, प्रमाणपत्र र रु २५ हजार बराबरको उपहार भाउचरद्वारा सम्मान गरीएको थियो ।
उक्त कार्यक्रममा नमस्ते ट्रेडिंग एण्ड सप्लायर्सका संचालक अधिकारीले लुमिनस परिवार लगायत सम्पुर्ण लुमिनस ब्राण्डलाई बिश्वास गर्ने आफ्नो सबडिलर, ग्राहक र सुभ–चिन्तकहरुलाई धन्यबाद दिँदै आउँदा दिनहरुमा उनीहरुको साथ सहयोग र सम्बन्ध अझ प्रगाढ रहने पनि बताएका छन ।
