हुम्लामा पहिरोले घर पुर्यो, एकैपरिवारका ४ जनाको मृत्यु

काठमाडौं, २४ असोज । हुम्लामा अविरल आएको वर्षा र पहिरोले घर पुर्दा एकै परिवारका ४ जनाको मृत्यु भएको छ । घरमाथिबाट खसेको पहिराले चंखेली गाउँपालिका–६ मानविर विकको घर बगाएको प्रहरीले जनाएको छ ।

मृत्यु हुनेमा तुलसी विक, हैजा विक, बालक बसन्त विक र बालिका सुस्मिता विक रहेका छन् । प्रहरीको अनुसार पाँचजना घाइतेको मेलसाय स्वास्थ्य चौकीमा उपचार भइरहेको छ ।