एजेन्सी, २४ असोज । ‘रेखा’नाम आउँदा नै फिल्म स्टार रेखाको अनुहार आँखा अगाडि घुम्छ । सुन्दरताको उदाहरण मानिने रेखा आज ६८ वर्षकी भएकी छिन् ।
उनको अनुहारमा मुस्कान, धेरै गहना, महँगो साडी र मनमोहक लुक रेखाको विशेषता हो, तर सधैं यस्तो थिएन।
उनलाई करियरको शुरुवातमा नान–नक्ष, रंग र शरीरको संरचनाका कारण धेरै पटक अस्वीकार गरियो। फिल्मी पण्डितहरुले उनको करियर नभएको बताएका थिए । रेखाले १३ वर्षको उमेरमा फिल्मी करियर सुरु गरेकी थिइन् ।
