काठमाडौं, २६ असोज । अब धरान उपमहानगरपालिका भित्र घर बनाउने नक्सा पास गर्न वा सम्पन्न पत्र पाउन कम्तीमा पाँचवटा विरुवा रोप्नुपर्ने नियम लागु हुने भएको छ ।
उपमहानगरपालिकाका प्रमुख हर्क साम्पाङले नक्सा पास गर्न वा सम्पन्न पत्र पाउन अनिवार्य रुपमा विरुवा रोप्नुपर्ने नियम लागु गर्ने बताएका हुन् ।
यो नियम चाडैनै उपमहानगरभित्र लागु गरिने जानकारी दिएका छन् । साम्पाङले सामाजिक सञ्जालमा लेखेका छन्, ‘अब उप्रान्त धरानमा एउटा घर बनाउने नक्सा पास गर्न या सम्पन्न पत्र पाउन कम्तीमा पाँचवटा विरुवा अनिवार्य रुपमा रोप्ने नियम लागु गरिनेछ !’
