काठमाडौं, २६ असोज । राप्रपाका युवा नेता विनय रावलको निम्तो मान्न भारतका प्रसिद्ध ज्योतिषी गुरुजी डा. डिनेश डुडा मक्वाना काठमाडौं आएका छन् । मक्वानालाई आज रावलले काठमाडौंस्थित् त्रिभुवन अन्तर्राष्टिय विमानस्थलमा स्वागत गरेका हुन् । ज्योतिषी मक्वानाले विश्व प्रसिद्ध व्यक्तित्वहरुको भविष्यवाणी गरिसकेको रावलको भनाई छ ।
काठमाडौं बसाईको क्रममा उनले नेता रावलसँग भेटवार्ता गर्ने र पशुपतिनाथको दर्शन गर्ने कार्यक्रम तय भएको छ । यता, रावलले भने आगामी मंसिर ४ गतेको निर्वाचनको लागि प्रतिनिधिसभा सदस्यको लागि बर्दिया २ बाट उम्मेदवारी दिएका छन् । उनले बर्दियाको समग्र विकासको लागि नयाँ खाका र एजेण्डा पनि अघि सारेका छन् ।
यसअघि पनि उनी बर्दियाको समग्र विकासको लागि निरन्तर सक्रिय थिए । रावलको उम्मेदवारीले बर्दियाली जनता खुशी भएका छन् । यसअघि उनले बर्दियाको विकासमा पुर्याएको टेवाको कारण उनलाई नै जनप्रतिनिधिको रुपमा काठमाडौं पठाउनुपर्ने उनीहरुको भनाई छ । अहिले रावलको पक्षमा व्यापक जनलहर देखिएको छ ।
