एजेन्सी, ४ कात्तिक । अहिले अक्षय कुमार आफ्नो फिल्म ‘राम सेतु’ को प्रमोशनमा व्यस्त छन् । भर्खरै चलचित्र ‘राम सेतु’ को ट्रेलर रिलिज भएको छ, जसले दर्शकको राम्रो प्रतिक्रिया पाएको छ ।
यतिबेला अक्षय कुमार सिनेमा हलमा ‘जय श्री राम’ गीतको प्रमोशन गरिरहेका देखिएका छन्, जसको भिडियो सार्वजनिक भएको छ । गीतलाई मुम्बईको एक सिनेमा हलमा सार्वजनिक गरिएको हो ।
जहाँ अक्षय कुमार बिच थिएटरमा ‘जय श्री राम’ भन्दै नारा लगाएको देखिन्छ । ‘राम सेतु’ फिल्मको कुरा गर्ने हो भने अक्षय कुमार यस फिल्ममा पुरातत्वविद्को भूमिकामा देखिनेछन् । फिल्म ‘राम सेतु’ मा अक्षय कुमारसँगै ज्याकलिन फर्नान्डिज र नुसरत भरुचा मुख्य भूमिकामा देखिनेछन् ।
