काठमाडौं, ५ कार्तिक । बर्दिया-२ मा राप्रपाबाट प्रतिनिधिसभा सदस्यका उम्मेदवार रहेका युवा नेता विनय रावलले आफू जनताको साझा उम्मेदवार भएको बताएका छन् । उनले सबै जनताले आफूलाई अत्यधिक बहुमतका साथ विजयी गराउने विश्वास व्यक्त गरेका छन् ।
आज (शनिबार) सक्रिय युवा समाजले गेरूवामा आयोजना गरेको दोस्रो सक्रिय कपको पुरस्कार वितरण कार्यक्रममा प्रमुख अतिथिको रुपमा बोल्दै रावलले आफूले समृद्ध बर्दियाको सपना देखेको र सोहीअनुसार काम गरेको जनाए ।
पार्टीमा सक्रिय हुनुभन्दा पहिले रावल समाजसेवामा सक्रिय थिए । बर्दियाको भाग्य र भविष्य बदल्नको लागि आफू चुनावी मैदानमा खडा भएको भन्दै सो क्षेत्रको विकास गरेरै छाड्ने उनको भनाई थियो ।
