काठमाडौं, कात्तिक ७ । नेपाली कांग्रेसले आज गर्ने भनेको चुनावी घोषणापत्र सार्वजनिक कार्यक्रम एकाएक स्थगित भएको छ । अहिले विहान १० बजे पार्टी कार्यालय सानेपामा घोषणापत्र सार्वजनिक गर्ने कार्यक्रम रहेको थियो ।
पाँच दलीय सत्ता गठबन्धनले आज काठमाडौंमा प्रदेशस्तरीय भेला गर्न लागेकाले आज धोषणापत्र सार्वजनिक नहुने भएको हो । भेलापछि प्रधानमन्त्री देउवा प्रेस युनियनको शुभकामना आदान–प्रदान कार्यक्रममा सहभागी हुने कार्यक्रम रहेको छ ।
यसअघि आईतबार घोषणा सार्वजनिक गर्ने पूर्वनिर्धारित समय समेत स्थगित भएको थियो । आइतबार गठबन्धनका शिर्ष नेताहरु प्रदेशव्यापी चुनावी अभियानका क्रममा धनगढी र सुर्खेतमा व्यस्त भएपछि घोषणा पत्र सार्वजनिक कार्यक्रम आजलाई सारिएको थियो ।
