एजेन्सी, ८ कात्तिक । बलिउडका धेरै सेलिब्रेटीहरूले आफ्नो घरमा प्रि–दिवाली पार्टी आयोजना गर्दै आएका छन् । यस अवसरमा धेरै दिग्गज स्टारहरू पार्टीमा सामेल हुने गर्छन् ।
जतिसुकै स्टार्सले पार्टी आयोजना गरेपनि बी टाउनमा मन्नत र जलसाको दिवाली पार्टी सबैभन्दा विशेष मानिन्छ । तर, यस वर्ष अमिताभ र शाहरुख खानको घरमा दिवाली पार्टी नहुने खबर आएको छ ।
मिडिया रिपोर्टका अनुसार यो दिवालीमा शाहरुख आफ्नो आगामी फिल्मको सुटिङमा निकै व्यस्त छन् । जसका कारण उनले घरमा दिवाली पार्टी आयोजना गरेका छैनन् । यसबाहेक अमिताभ बच्चन हालसालै कोभिडबाट निको भएका छन्, त्यसैले उनी कोही पनि घरमा भेला गर्ने मूडमा छैनन्। यसबाहेक गत अक्टोबर २३ मा कौन बनेगा करोडपति शोको सुटिङका क्रममा पनि अभिनेताको खुट्टामा गम्भिर चोट लागेको थियो जसका कारण डाक्टरले उनलाई नहिँड्न सल्लाह दिएका छन् । निर्माता निर्देशक करण जोहरले पनि आफ्नो घरमा दिवाली पार्टीको योजना छाड्ने विश्वास गरिएको छ।
यो खबरको बीचमा दुई वर्षपछि अभिनेत्री शिल्पा शेट्टी आफ्नो घरमा दीपावली मनाउने तयारीमा छिन् । यसैबीच हालै आमा बनेकी अभिनेत्री सोनमले पनि आफ्नो घरमा दिवाली पार्टी आयोजना गर्न सक्नेछन् । बलिउड सेलिब्रेटी र दिवालीबीचको सम्बन्ध निकै पुरानो हो । कपूरदेखि खानसम्म, धेरै बलिउड सेलिब्रेटीहरू उनीहरूको भव्य दिवाली पार्टीहरूका लागि परिचित छन्।
