काठमाडौं, १७ कार्तिक । नेपाली कांग्रेसका नेता डा. चन्द्र भण्डारीले बहुदलीय व्यवस्थामा विकल्पको रुपमा नयाँ दल आउनु स्वागतयोग्य कुरा भएको बताएका छन् । यद्धपी उनले जनताले यो निर्वाचनमा ठूला दललाई नै जिताएर पठाउने विश्वास दिलाए ।
उनले भने,‘राजनीतिमा खासगरी अहिलेको निर्वाचनमा स्वतन्त्र व्यक्तिहरु पनि आउनुभएको छ, यो त लोकतन्त्रको सुन्दर पक्ष हो ।’ आज अपरान्ह प्राइम टिभीबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् ।
उनले अहिले जनताले पाँच दलीय गठबन्धनलाई जिताउनेमा आफू आशावादी रहेको सुनाए । उनले एमालेले घोषणापत्रमार्फत हावादारी कुरा गरेको आरोप लगाए । उनले आफूसँग देश बनाउने भिजन रहेको सुनाए । उनले मुलुकमा अहिले सबैभन्दा ठूलो रोग भ्रष्टाचार भएकोले यसलाई निर्मुल पार्ने बताए ।
