काठमाडौं, २५ कात्तिक । मकवानपुरको हेटौंडामा सालनालसहितको मृत शिशु फेला परेको छ ।
हेटौंडा उपमहानगरपालिकाले फोहोर जम्मा गरी फाल्ने स्थानमा बोराभित्र प्याक गरिएको अवस्थामा मृत शिशु फेला परेको प्रहरीले जनाएको छ ।
प्रहरीको अनुसार ना ४ त २६९८ नम्बरको ट्याक्टरले फोहोर संकलन गरेर ल्याएको फोहोरको थुप्रोमा शिशुको शव फेला परेको हो ।
हेटौंडा–१० राप्ती खोला छेउमा आज बिहान ८ बजेको समयमा फोहोरमा बच्चाको शव फेला परेलगत्तै प्रहरीलाई खबर गरेका थिए ।
