एजेन्सी, २७ कात्तिक । भर्खरैमात्रै आमा बनेकी आलिया भट्टले आफ्नो सामाजिक सञ्जाल अकाउन्ट मार्फत फिल्म रकी र रानीको प्रेमकथाको रिलिज मितिको जानकारी दिएकी छिन् ।
आलियाले करण जोहरको पोस्ट रि–सेयर गर्दै यो फिल्मका लागि आफू निकै उत्साहित भएको लेखेकी छिन् । यस फिल्ममा रणवीर सिंहसँग आलिया भट्ट मुख्य भूमिकामा देखिनेछिन् । फिल्म २८ अप्रिल २०२३ मा रिलिज हुनेछ। आलियाले भर्खरै छोरीलाई जन्म दिएकी छिन् र अहिले प्रसूति बिदाको मजा लिइरहेकी छिन् ।
आलियाले करण जोहरको पोस्ट पुनः सेयर गर्दै लेखेकी छिन,“मेरो हृदय आनन्द र उत्साहले भरिएको छ । रकी र रानीको प्रेमकथा २८ अप्रिल २०२३ मा तपाईं नजिकैका थिएटरहरूमा रिलिज हुनेछ।“ आलियाले नोभेम्बर ६ मा छोरीलाई जन्म दिएकी थिइन् । उनी अहिले आफ्नो मातृत्वको आनन्द उठाइरहेकी छिन् । आलियासँग धेरै प्रोजेक्टहरू छन् त्यसैले उनी छिट्टै काममा फर्किनेछिन्।
फिल्ममा रणवीर सिंह र आलिया भट्ट मुख्य भूमिकामा रहनेछन् भने धर्मेन्द्र, जया बच्चन र शबाना आजमी पनि महत्वपूर्ण भूमिकामा देखिनेछन् । फिल्मलाई इशिता मोइत्रा, शशांक खेतान र सुमित रोयले लेखेका हुन् । रकी र रानीको प्रेमकथालाई नयाँ युगको रोमान्टिक फिल्मको रुपमा व्याख्या गरिएको छ ।
